ගී මල් යාය

එන්න එළියට සොඳුර දැන්
ඔබ පතා තරුමල් අවදියෙන්
සඳ ඔබට පරදින හැටි බලන්නට
එන්න සොඳුරිය දොර ඇරන්
එන්න සොඳුරිය දොර ඇරන්

වැව් කුමුදු මල් දිය මත හිඳන්
පුර හඳට ළංවි සීරුවෙන්
නිල් සළු ඇදන් වැව රැළි නගයි
රෑ කුමරියට බැදි ප්‍රේමයෙන් ..
ඔබ විතරමයි අඩු මේ රැයට
දැන් එන්න එළියට දොර ඇරන්

එන්න එළියට ..

සීතල සුළන් සිපද කියයි
වැවු ඉවුර මත මදහාසයෙන්
තුරුලිය සෙමෙන් කෙහෙරැලි කඩයි
මිදුම් යහන අනුරාගයෙන් ..
ඔබ විතරමයි අඩු මේ රැයට
දැන් එන්න එළියට දොර ඇරන්

එන්න එළියට ..

ගායනය-කසුන් කල්හාර